Boreløyve for brønn 31/2-22 S og 31/2-22 A i utvinningsløyve 090 I
![nyhetsbilder_od16-rigg.jpg](/globalassets/1-sodir/foto/nyheter/generiske-foto/nyhetsbilder_od16-rigg.jpg)
Illustrasjonsfoto.
19.11.2020 Oljedirektoratet har gitt Equinor Energy AS boreløyve for brønn 31/2-22 S og 31/2-22 A, jf. ressursforskrifta paragraf 15.
Brønnane 31/2-22 S og 31/2-22 A skal borast frå boreinnretninga West Hercules i posisjon 60°58'48,13"N og 3°30'17,16"A etter avslutting av boring av undersøkingsbrønn 31/1-2 S og avgrensingsbrønn 31/1-2 A for Equinor Energy AS i utvinningsløyve 923.
Boreprogrammet for brønnane 31/2-22 S og 31/2-22 A gjeld boring av undersøkingsbrønnane 31/2-22 S og 31/2-22 A i utvinningsløyve 090 I. Equinor Energy AS er operatør med ein del på 45 prosent. Dei andre rettshavarane er Vår Energi AS (25 prosent), Idemitsu Petroleum AS (15 prosent) og Neptune Energy Norge AS (15 prosent).
Arealet i dette løyvet består av deler av blokk 31/2. Brønnane blir bora om lag 8 kilometer sør-vest for Fram-feltet.
Utvinningsløyve 090 I vart delt ut i TFO 2017. Dette er dei første to leitebrønnane som blir bora i løyvet.
Løyvet føreset at dei andre løyva og samtykka krevd av andre myndigheiter er gitt før boreaktiviteten startar.
Oppdatert: 26.03.2021