Havvind

I 2023 blei dei første prosjektområda for havvind på Utsira Nord og Sørlige Nordsjø II utlyst. Styresmaktene gjennomførte 21. mars 2024 ein auksjon om tildeling av prosjektområde for havvind i Sørlige Nordsjø II. Ventyr SN II AS vann auksjonen og blir tildelt eit prosjektområde og dermed ein tidsavgrensa einerett til å gjennomføre ei prosjektspesifikk konsekvensutgreiing, og å søke om konsesjon etter havenergilova.

I 2020 blei dei første områda på norsk sokkel opna for fornybar energiproduksjon til havs. Styresmaktene har sidan dette arbeidd med å fastsetje regelverket i tett samarbeid med næringslivet og andre brukarar av havet.

Våren 2022 gav Energidepartementet Sokkeldirektoratet i oppdrag å planleggje og gjennomføre ein anbudsprosess for gjennomføring av forundersøkingar i Sørlige Nordsjø II og på Utsira Nord, med mogleg start i 2022.   ​

Første fase av undersøkinga i Sørlige Nordsjø II (austleg del) blei starta hausten 2022 og ferdigstilt i 2023.   ​

Undersøkinga på Utsira Nord blei påbegynt sommaren 2023 og ferdigstilt våren 2024.  ​